AŞTÎYE RÊ SE Û HÎRÊ CANÎ

Trêne werzena merdene rê se û hîrê canî
Nameyê to raywanê aştîye
Werzena ver bi merdene trêne!
Vagonê tip û tarîye!

Bavo qey sîya boyax bîye vagonî
Tarîyê cehenemî yo Garê Trênan yê Ankara
Mîyanê gonî û gonîşerî de
Se û hîrê xeyalê aştîye!

Govendî, zilgitî nêmcet mendî
Nameyê to qehpe bo Garê Trênan yê Ankara
Tarîyo sim û sîya nişto roje ser o
Boranî nêeşkayî ver bi aştîye bifirrê.

Mîyanê gonîya sûre de mendo
Arê bikerê parçeyanê bedene mi
Se û hîrê reyî ameya parçê kerdene
Qelbê mi bivînê bidêrê heskerdoxanê mi

Nêqurê borana ke nêeşkena bifirro de mendo qelbê mi
Gonî û gonîşerî de mendo nêqurê borane de
Gonî pişkîyaye kilamanê ma rê
Rîpelanê teqwîman ra bivejê

Desê Têşrîna Verêne ya gonîne
Nameyê ci borana ke nêeşkena bifirro panê
Aştîye ra tersayî qehpeyî
Bazarê ganî de ma se û hîrê canî bîme.