Ali Baba Karakaş – 11 Şubat 2026
Aya ke qelbê mi dax kena ti nîya?
Xeyalê mi peyê şîyayîşê to yê bê wextî de mendî
To girewte û berde sewdaya ma
Zerrîya mi rût û rûpele mende zerrîye
Mi qîrra û nameyê to eşkera kerd, ef bike
Nika ez sêwî menda, ma ti!
Ez xo bidî bextê kamî, zê milçîke xof kena zerrîya mi
Dilopê vewre girewt sere xeyalanê mi
Rengî manayê xo kerdî vîndî binê vewre de
Vewre serê rêzanê enguran girewto
Ez ameya kulubeya rêzvanî
Toqeyo to yo sipî û perperikên masa ser o mendo.
Tulumbaya ra we ante mi, tek xeyalê to mendo
Çiqas zaf şîîrî nuştî mi to rê û darde kerdî
Pêro binê vewre de mendê û herfî kewtê têmîyan
Kile bîya ez, şîyayîşê to dima şewat bîya
Zerrîya mi zê daristanê veşayeyî yo
Şewat girewt xeyal û omidê mi
Êyê ke berzê asmênî benê, şewatê zerrîya min o
Ti wedarde menda zerrîya mi de, mi ti bi heskerdiş kerda pî