ÇI ÇÊBERÎ CADÎYAYî

Çi çêberî cadîyayî,
Çi lambayî şaynîyayî;
tena tek—tena tek veng
birneno tarîya ke nişena ruhî ser.

Roştîya aşme rîye to yê gul-sosine rê;
rengî cûwen benê ruhê ci de.
Estareyî ginenê çimanê to rê,
zerrîya to da mijdanîya wisarî danê.

A game, her têlê porê to de
simbilê morî, qeranfîlî;
menekşeyî, yasemînî akenê.
Serê şodirî de cûwen benê pêro;
wa nêçilmisîyê, wa nêrê çilmîsîyayene
çîçegê ke zerrîye de kewî benê.

Awe biverdê vaya aye rê—
wa bihêrikîyo; awe rayîrê xo vînena.
Ne ecêb, ne nêvejîyeno
eke murekebê nuşteyî biqedîyo,
eke hît bîya kaxita to,
yew dilope hesîre qule kena kaxite.

A game bena sivingê cemedî
dilopê hesîranê ke çimanê to ra ênê war
mewsîm xo dêm dano zimistanî,
çîçegê ke zerrîya to de abîyê çilmisîyenê.