Ali Baba Karakaş – 03 Ocak 2026
Lete-lete bîyo ruhê mi.
Mecalê mi nêmendo ke arê bikerî
Pelixîyayî û wele bîy xeyalê mi
Zê yew velga payîzî
Hona ke ez nêgina erdî ro û wele nebîya
Hona ke zimistan nîyamo mi ser
Xeyalê minê ke tede ti est a hona ke nêcimîdeyê
Zê vilika vewre kewî be, hona ke ez cemed nêgirewta.
Seke cemre gineno erdî ro henî bigine zerrîya mi ro
Tije be zerrîya mi rê, hona ke ez cemed nêgirewta
Cemalê mi rê bimusne gul cemalê xo
Zerrîya mi rê wisar, çimanê mi rê estare be
Zê aşme bivejîye rayîranê mi de
Rîyê xo biçarne ma, ehemîyetê mewsîman çin o
Rayîr bigêrî û çimanê to ra rovileşîyî
Zerrîya to de sewdaya pîr û paka bî
Çinbîyayena to sey silayî zindan o.
Estena to beno welatê mi, sila beno seraye
Zerrîya mi sey şefeqî pawena tîja to.
Çimanê to yê estareyinan ra ver bi qelbê to şorî.