Ali Baba Karakaş – 14 Şubat 2026
Mi berê biresnê pêlanê harbîyayan
Ez ver bi xorîyan awe ro şorî derya de
Wa bimanî ez bibî êm masîyan rê
Vindî bibî zereyê deryayê bêbinî de
Na dinyaya qilerine de pak bibî
Edaletê to est o ey dinya
Dinyaya ke zaliman rê manena
Dinyaya ke feqîran seke çin ê hesibnena
Êyê ke mi dostî zanayêne bîyê zûrî
Sewdayî bi zûran bîyê qilerinî
Nîyadayena çiman wisaro sexte
Mi waşt ke ez bê qilêr û gef însan bimanî
Ez razîya masîyan rê êm bibî
Wa awe ro şoro qilêrinê nêbo zerrîye
Kesê ke zûrî marifet hesibnenê bîyê zêde
Wijdanî zûran de hepsî bîyê.
Keso ke zê însanî mendo, mendo, eke mendo kotî de
Ne tam û keyfê mewsîman mendo
Ne dostîye menda tam û pakîya xo de
Ez însan bimanî bê kibr û qilêrî.