Ali Baba Karakaş – 14 Şubat 2026
To bi emrê mi zê ruletî kay kerd dinya
Çend û çend mewsimî derbaz bîy emre mi de
Tena zimistan ame dîyarê mi pukê xezebî de menda ez
Kuçeyî, cade û taldeyî bîy keyeyê mi
Ez to ver qefelîyaya hey dinyaya bêbexte
Çîyo ke to mi ra nêgirewt çi mend ke
Tena omidê mi mend ma ez ey kî nêdana to
Mi kuçeyan de kerd pîl omidê xo ez ey nêdana to
Mi bi omidî xo pîşt te bi eraqê xo kerd pîl
Tena yew sereyê mi mendo bê ey kî bigê ey dinta
Ez omidê xo nêdana to ey dinyaya zûrekere
Ti mi rê deyndar a, waro gine pêsîrê mi ra
Hone dergûş bîya ez bê mudafa
Ne maya mi mi rê bîye mirde ne ez aye rê
To tirawite maya mi mi ra bi bêbextane
Ca nêbîya ez virana maya xo de des û di serrî bîya
Xurbetî ra surginê xurbetîya bîne bîya bêwelat
Çi zaf bermaya ez tawo ke mi dîyêne
Mi dîyêne ê dergûşê ke pistina maye de kewtêne ra
Binê estareyan de kam zano çend sey rey bermaya
A aşme ez pîşta te şewanê serdinan de
Bajarê Îzmîr mi ser o rijîya
Çi zaf bîla wele, vayî ver dîya ez
Vera firtineyan de çok nêda erd, mi tim xo ver da.