Ali Baba Karakaş – 14 Şubat 2026
Karwan rayîr ra rêz bîyo
Desênê heqibeyê xo zê ê cacîman o
Werdê rayîrî nane tenûre yo
Karwandaro serrayber şona kotî?
Mi kî bigêrê karwanî bicê û berê
Mi tena meverdê nê yabanî de
Sewdaya xo ya ke ez welat zana gêrêna
Qelema mi hişş bîyê nênusena vengê zerrîye
Curaya mi lal a vera vengê zerrîya mi
Melodîyê dejin ê flute çîngeno
Zerrîye pelexîyaya sewdaya xo dima
Nê dîyarî de şewate sewda vejîyayo
Bi leze şo rayîr ra serkarwan
Mi biresne a yara mina şirine
Hîna ke sewdaya eşqî nêbîya şewat zerrîye de
Hîna ke nêbîyo bizote zerrîye nêvaşnaye
Ez qîrrayîşê zerrîye ra ginaya rayîran
Ruhê mi de tefûduman, çimanê mi ver guzgeleka tozine
Gêrena sewadaya ke zerrîye der a
Vera-vera dereyan ra rayê şîya aye dima.
Ruhê mi teslîm girewt dejê çinbîyayene
Ne bîye şilîye varaye çime mi
Ne bîye erd û wele zîl daye zerrîye
Bê eşqî bîye çol û yaban zerrîye