Ali Baba Karakaş – 14 Şubat 2026
Zerrîya mi manena yew dara ke velgê xo rişîyayê
Payîz hende bê wext ame zerrîya mi ke
Rut mende zerrîya mi ez cemedîyena
Vayê harî meşiknêrê gilanê mi
Tek gila mi mende ke ez pêbigêrî omidê min o
Bi omid xurt be pê xeyalanê mi zinde bimane
Sebir bike ey zerrîya mi helbet ke wisar bêro
Hesretan ez arda war de bes o pêsîrê mi ra waro ginê
Tarî engel o vera eştena şefeqî de
Haylemeyê to bîlasebeb o ey tarî
Sancîye vejîyayena tîje nezdî yê
Şefeq zê cenînî gina ro omidanê mi
Omidê mi sewda rê çîçegî bê akerê
Cûwen bikerê wa rengî pêro pîya mozaik bo
Desen bi desen yew û yekpare yê pêro rengî
Ez zerrîya xo de dem bigîrî sewda bibî.
.