Warway û bi îşliga serê minê qîş û vîş bîyaye
Kuçe bi kuçe ray şona ez, înan ganê (canê) mi veşna.
Kardî tuj a, qesa dahîna tuj a
Gonî û gonîşer de menda zerrîye
Nîşta ro ez yew kemera serdine ser o
Hende bîya vêşan ke ez heskerdişî rê
Ferê çimanê mi şîyo, bê roştî ya ez
To ez tarî de verdaya, mi ra ke dûrî bê çimê to
Heqîbeyê mi de mektuba sewda
Mi zerfa kewîye kerde ya, nînê wendene satirî
Hesîrê çiman rişîyayî ser, aye ra nîyanên ê
Şaîrî nuştî nê rêzî, zerrîye kî tey bermaye
Reyêna tîje erzeno na leşa mi ser
Birînanê zerrîya mi rê derman êno vînayene?
Nê ke seba ke bibe paçê pîştene, seba ke merhem be bê
Înan tirawitî estareyê çimanê mi, ez tarî de menda.
Vayê meltemî ver cemedîyena leşa mi
Kuçeyî, qelabalix ê, ez kî tik û tena ya xo rê
Heqîbeyê mi giran o, mektubî ganê mi veşnenê
Pirrê xatirayan ê her satirê înan, ganê mi biveşnê kî