Ali Baba Karakaş – 03 Ocak 2026
Mi çi zaf ti fetelîya
Mi fetelîya, la nêeşkaya to bivînî, ez cemedîya
Zerrîya mi de zimistanêdo xedar
Vayo yeman werzeno hetê mine çepî ra
Çi hêvîyê mi vîndî bîy û şîyî.
Nêmcet mendî xeyalê mi
Ti ya ke tek axa zerrîya min a
Birese û berz be sey (zê) serê genimî
Tije erzena hêvîyanê mi ser
Heskerdiş beno zerrîya mi de wisar
Asmên de benê keweyî omidî
Pêl bi pêl benê sere dengîzî de
Eke heskerdiş nêdo ro tenê mi ser, ez cemidîyena
Ne tîje ne aşma tebaxe
Zeman herikîyeno û şono sey awe, çi maneno
Kamcîn mewsim zerrîya mi germin keno?
Ne sanike (şanike) de yo ne kitaban de heskerdiş
Eke ginayo çarşî û bazaran heskerdiş
Zerrîyan de nîno dîyene heskerdiş
Hona ke însanetîye nêmerda ganî (gereke) esasê xo bo
heskerdiş.