Ali Baba Karakaş – 03 Ocak 2026
Seba to qefelîyaye yo sewda na zerrî
Çimanê mi, çînbîyayîşê to ver hesirî rişnayî
Hende ke rayîr şîya qudûm çokan de nêmend
Hende ke nameyê to qîraya, bî lal ziwanê mi
Ne ke vengê mi heşna ne kesî ez dîya
Ti şeqitîya şîya mewsimî verdî ra.
Mi ne koyî xo dima verdayî, ne firtineyan ver a menda
Hesreta to zerrîya mi de bîye vayêdo serdin
Mi rayîrê to de çend solî kerdî kanî
Rayîro ke ez ci ra şîyêne çend mewsimî vîyarnayî
To dima gêrayîşî ra bêzare nêbîye zerrîya mi
Dîyarê ke ez tede vejîya rê vewrî varayî.
Qelbê mi sey mîlçik a nêafterana duştê to de
Hêvîya xo çin a ke reyna hes bikero
Mi hende weş hes kerdbî ke to ra
Senî ke vila rojî tîje ra hes kena.
Bîya têşan, ez şîya resta çemî, çem bî ziwa.
Resta binê vîyale ke bîna xo bijerî
Vîyale şermayeye, sîye ancîyaye şîye.
Ez menda ortê de têşan û qefelîyaye.