Ali Baba Karakaş – 03 Ocak 2026
Bê, yew şodir piro de berê zerrîya mi
Wa bo, kile bigino zerrîya mi ro û şewat bivejîyo tede
Ma biveşîme pîya wele bibîme, wa bo to ra çi êno qebul
Da ruhê mi ro germîya temmuze
Sewdaya ke zerrîya mi de ya, ti ya?
Emrê mi bi to gêrayene vîyart û şî
Zerrîya mi de beno sewda to ra çi bêro,
Bê emrê minê mendeyî ke wisarê mi bo.
Oyo ke to ra mendo mi rê huyayîşê to yo verên o
Porê to yo ke to doşanê xo ser o verdayo
Harmeyê to ra sepete, to tede zerrîya mi berde
Çimê mi rayîr ra şîyayena to ya nazike dima mendê.
Çokan de mecal nêmend ke ez rayîr ra şorî
Çimê mi bîy tarî vera çimanê to yê beriqîyayan de
To rê qîrayîşê mi koyan ra zîma
Awa hênîyê miradan xuş-xuşîyena.
Mi xo kerd çewt ke awe bişîmî, sîluetê da ro hênî
Kotî ya ti, huyayîşê bigê û pîya bê mi rê
Ti tehmê kilaman de ya, tene to rengê genimî
Hona ke mi aqilê xo zay nêkerdo, bê ma yew bibîme.