KILAMA AZADÎYE

Gogerçîne nişta penceraya mi ra.
Nuqûrnena bi telaş camî
No telaşê to çinayî ra?
Yan ti kî remena zê mi

Ez çend rojî û çend mewsimî
Qedexkerdeyî menda asmênî rê
Nêvejîya pencera hêrsin bîya
Sereberzkerdişê mi vera to nîyo ey xoza

Aya ke mi wedarena û fam kena ti ya
Çend rey dafike ronîyaye vera azadîye
Kam zano çend zerrîye bi sewda vîyartî koyan ra
Sewdayê xo koyan da dardî we

Akerê mîyaneyê înan ra nasir vejîyo nîyadênê
Tîje kela-kela xo de veşnayî bedenî
Sîya yo sîyayê komîrî de û munite yo porê xo
Eştê piştîya xo şale piskinî

Gineno koyan ro vengê kilama azadîye
Sewdaya henên a ke azadîye bena eşq
Zerrîye ra kewena zerrîyêda bîne xoverdayîş bena
Deyayî de yaqamoz, çemî de asê hêrikîyena