Ali Baba Karakaş – 11 Şubat 2026
A ez ameya
Newalo verêno ke mi maç kerdbî de boya to menda
Çibîyayîşê to de çelmisîyayê pêro çîçegî
Zê vayî da hetê mine çepî ro çinbîyayîşê to
Ez bîya firtine eşta ca bi ca
Verê vayê sevda kewta
Cira bîya kokanê xo ra
Ez bibî a sewdaya kewî ya kokê xo to ra
Mi heseretî rayan ra neqiş kerdî û ameya
Huzino ke hesreta to ver ginayo zerrîya mi ro
Adirê to de bîya bizote, wel-wel bîya
Nêro va, nêerzo xo ver wela mi
Bibe şilîye û bivare welanê mi ser
Ez bibî boya to û biresî tîje
Na şîîre ê ma ya, sewdaya ma rê nusîyaye
Her di hetanê newale de xatirayê ma mendî
Xatira û heseret e çîyê ke ma ra mende
To dara tuyan ra dardekerde verdayê
Va dano û erzeno xo ver etegê to yê keweyî ra
Ef bike mi sewdaya zerrîya mi, mi nameyê to qîrra.