Ali Baba Karakaş – 03 Ocak 2026
Vinde zerrîye wisaro ke êno to rê nîyo
Ti çend wisaran de zimistanî menda zerrîye
Mecalê mi nêmendo ke ez wisarî bipawî
Leşa mi bîye kal, çogane ancena ke?
Va da piştîya mi ro, kes çin o mi bipêşo
Çar dîwarî şima şahidê min ê, wedarê hesiranê mi
Ruhê mi bî teng, adir gina canî ro
Virane bifîye mi ra wa şewat xo ra şo ro
Ez bêdestûrî bikewî virana to
Yew nefes de biancî xo zere boya to
Çimanê to de qayîtê asmênî bikerî
Biverde helmê xo yê tamwisarî lewanê mi
Zerrîya to dinga pêyen a, biresî û tede bimanî
Tenê to tenê mi ro, çimê to çimanê mi ro
Destê to sey mêşanê hemgimênî bifetelîyê porê mi ra
Ez destanê to yê ke porê mi mîşt danê de bimanî
Lewê xo şîlanêne ez maçkerdişanê to de bimanî
Ti bibê şandanê mi, ez qendîlê to bibî
Sey şefeqî biancîye bê, tîja mi be
Çimê to yê delalî çila bê zerrîya mi rê.