Ali Baba Karakaş – 14 Şubat 2026
Ax gula min a delale!
Ewro kî bê to derbaz bî
Roje qedîyena gama ke şewe bena
Ax ti zana derdê şewan!
Se ke kardî anê qirika mi ver
Çilmisîyenê ekuyê ke mi to rê arê kerdê
Û gulê ke vazoyî de yê
Şîîrê ke mi bi îtîna munitê.
Çîçega ke to ci ra tewr zaf hes kerda, ez her roje dest panêna
aye ra
Mi tayê kî tîje darde we
Mi zerrîya xo to reyde ruşnaye
Eke ti bicemidîye, zimistan dest pê keno zerrîya mi de
Bîyo çi wext keyeyê mi çin o
Zerrîya to keye, çimê to welat o mi rê
Ez sêwîya çinbîyena to ya û êdî qefelîyaya
Bê to seydwanî rê beno seyd ruhê mi
Êdî xeyalê mi kî rincan ê
Û ez qefelîyayê to ya
Ê mîlçikê ke to bi destê xo qut û awe dayêne ci
Firrayê şîyê to dime.