Ali Baba Karakaş – 03 Ocak 2026
Hêvî rê yew rayîr gerêno zerrîya mina sêwîye
Hîsêdê ecêbê zerrîya ni gêna
Ez xatirayanê xo rê
Yan emrê xo yê vîyarteyî rê biveşî?
Çimanê sewbînan ra estareyî vila kerdî,
Yê mi ra hesîrî rişnayî to.
Zerrîya mi de serdê pukeleke est bî
Ma ez nêcemidîye kam bicemidîyo?
Raye (rayîrî) pînenê nê çimê minê hesirinî
Çimê mi temaşeyê dotê çemî bikerê
Boverê ey de xatirayê mi mendî
Ma pirdê zerrîyan virazîyeno ke ez xo biresin xatirayan?
Vengê xuşxuşê çemî êno, huznin o
Çend sewdayî kerdî pîr û pakî to
Menimne (mede we) sewdayanê ke tede ti est a
Kewtî awa çemî ver xatirayê mi pêro
Ey çem xatirayanê mi meonce mebe
Zerrîya mi bena çole bena weran
Gilê nêmanena ez pê bicerî, xatirayî nêmanenê ez xo
biaznî rê înan
Elî Baba vano dest menê xatirayanê mi ra wa pak
bimanê.