Ali Baba Karakaş – 03 Ocak 2026
Roja peyêna hamnanî şîn o mi rê
Çunke ti tim a roje kewena mi vîrî
Bi serran o ke hesreta to ver veşaye,
bîye wele zerrîye, ez dejan mîyan de
Tersî ra, nêeşkaya nameyê to pers bikerî
Çimê mi çend û çend şewî rayîrê to ra mendî
Senî ke mi ti dîya yew kelecanî ez girewta
Coka çekuyî qirika mi de bîy girê û mendî.
Mi nêda teber, zereyê xo de dard we.
Ez çiqas aşiqê to bîya, to na nêzaneyêne
Hes kena mi ra vaje tersonek hes kena çîyode bîn
Ma tim bîyêne raywanê eynî trêne
Kobeyê pencera de kitab wanena
Kornaya trêne ke heşnena bi telaşî peya bena
Yew destê xo de kitab, yê bînî de tasa seyare
Porê xo yo derg û munite mîyaneyî ra
Mîya kewîye girê daya mîyaneyê xo yê barî ra
Ez qurbanê a ray şîyena to bibî
Eke xo biaçarno qayîtê yewî bikero, ez sey mume
helîyena
Çokanê mi de derman nêmaneno, ziwanê mi beno lal
Qayîtkerdişê to ver a kokê çekuyan êno
Beşerîyayîşê to kil a, erzîyena zerrîya mi ro
Ti tirka bergamayij a!
Ez, kurdo welatê xo talankerde
Ez nêeşkîya to ra vajî ke to ra hes kena
Zerrîya xo de mi tim bi zazakî to ra hes kerd
Tim bi zazakî xeyal kerdêne mi,
Seba ke ti nêzane ez kurd a, çimanê mi qisey kerd.
Roja peyêna hamnanî şîn o mi rê
Çunke ti tim a roje kewena mi vîrî
Bi serran o ke hesreta to ver veşaye,
bîye wele zerrîye, ez dejan mîyan de
Tersî ra, nêeşkaya nameyê to pers bikerî
Çimê mi çend û çend şewî rayîrê to ra mendî
Senî ke mi ti dîya yew kelecanî ez girewta
Coka çekuyî qirika mi de bîy girê û mendî.
Mi nêda teber, zereyê xo de dard we.
Ez çiqas aşiqê to bîya, to na nêzaneyêne
Hes kena mi ra vaje tersonek hes kena çîyode bîn
Ma tim bîyêne raywanê eynî trêne
Kobeyê pencera de kitab wanena
Kornaya trêne ke heşnena bi telaşî peya bena
Yew destê xo de kitab, yê bînî de tasa seyare
Porê xo yo derg û munite mîyaneyî ra
Mîya kewîye girê daya mîyaneyê xo yê barî ra
Ez qurbanê a ray şîyena to bibî
Eke xo biaçarno qayîtê yewî bikero, ez sey mume
helîyena
Çokanê mi de derman nêmaneno, ziwanê mi beno lal
Qayîtkerdişê to ver a kokê çekuyan êno
Beşerîyayîşê to kil a, erzîyena zerrîya mi ro
Ti tirka bergamayij a!
Ez, kurdo welatê xo talankerde
Ez nêeşkîya to ra vajî ke to ra hes kena
Zerrîya xo de mi tim bi zazakî to ra hes kerd
Tim bi zazakî xeyal kerdêne mi,
Seba ke ti nêzane ez kurd a, çimanê mi qisey kerd.