Ali Baba Karakaş – 03 Ocak 2026
Hesreta to zerrîya mi de bêçare ya
Sey şewatî gina zerrîya mi ro bê to bîyayene
Çîyo ke to ra mendo tena nameyê to yo dayê
Çi taw ke ez vajî Dayê zerîya mi gurr-gurr veşena.
Tek yew xatiraya to çin a xafizaya mi de
Mi boya to gêraye koyanê ke ti tede gêraya ra
Hezar û yew çîçegan ra nêgirewte boya to
Wele (herre) ra gêraya boya to dayê.
Dergûşîya mina ke to reyde vîyarta çin a mi vîrî de
Ez bîya vîndî yan ti vîndî bîya dayê?
Yan hêvîyê (omidê) mi vîndîbîyayî yê?
Mi dest ra tirawitî (tirtî) serrê minê domanîye
Ciwanîya (gencîya) mi kotî ya, bêpers çin kerda a
Ez kewta (ginaya) yew bîrê bêbineyî ro dayê
Sêwî vat mi ra, dayî omidanê mi ro.
Mi ti ney erdo sîya verare kerde
Demê çinbîyayîşê to de wisarê mi kî merd
Pêro hamnanan de kî serd bî mi rê
Mi vera to de ney, vera zaliman de îsyan kerd.
Çinbîyayena to de, ez bi tersan bîya pîl dayê.