Eke rojê ameye, yewî ez to ra persaya
Nêbo ke ti vaje mi o terk kerd, beno?
Nêbo ke ti vajê mi rengê çimanê ey xo vîr ra kerdo
Sîya, ela, kesk yan kî sewbîna rengî vaje ci ra.
Nêbo ke waştîya mi!
Nêbo ke ti yewî ra vaje mi o xo vîr ra kerdo
Eke ez pêbihesî ke to senî ke qayîtê mi kerdêne
henî qayîtê kesêdo bîn kerdo to, wey limine!
Ez qehir bena, binê dejan de manena ro yew xirbe
Seba mi zaf rind qayîtê zerrîya xo bike, ti Heqî sînena
A zerrîya to ya ke ez kerda meftun, zerrîya mi teder a
Ti ke ê fîstanê xo ye keweyî xo ra de, kilî perenê mi fek
ra.
Wey ê şîyayîşê to yê bêwext û bêmana rê!
Seke çay şono gula mi ra, henî şonê canê mi ra dejê ke to
verdayê
Hetê mino çep nêmcet mend, şîyayîşê to yê bêwextî ver
Her roja mi şew a, wextê roje çin o mi rê.
Çimê to kî to dima ra terkitî û şîyî
Nêbo ke ti vaje ey estareyî xo vîr ra kerdê
Mi xo xo vîr ra kerdo, aqil û vîrê mi de tim ti ya
Elî Baba vano her kes zana, to nêzana ke ez to ra çiqas
hes kena.