Ali Baba Karakaş – 03 Ocak 2026
Dejê ke to dayî mi gurr bîy ruhê mi de
Çeltugê ke to eştî ro zerrîya mi, înan ra gonî êna
Ma sucê mi to rê bawer (înam) kerden o?
Yan emego ke mi dayo to yo?
Honde ke vengê to bîyamêne, bi esterayan pirr bîyêne
çimî
Ruhê mi qefelîyayo honde ke mi to rê bawer kerdo
Honde bermaya ke ez, roştî nêmende çimanê mi de
Mi bawerîya xo bi çimanê to, bi huyayîşê to ardbî.
Mi nêeşka ke pîsîya zerrîya to bivînî
Pê zuranê to bîye qilerin sewda, mi no zana.
Eke ti rojê agêra bizane ke ez çin a
A dara tuyan a ke reya yewine mi binê aye de ti dîya, êdî
meywe nêdana.
A qulubeya malume tebê xatirayanê zerrîya aye veşnaye
mi
Adiro ke zerrîya mi de bîyo berz nêşî xow ra.
Ez ke mird nêbîyêne heskerdişê to ra, ma ti?
Zerrîya mi hesab dana ruhê mi, edî her çî nafîle ya.
Tawo ke ti bîya vîndî û şîya, ez kî peyê to ra
Çiqas zaf mendî çimê mi to dima, qelabalixan de mi ti
gêra (cêra)
Her şewe ez xo xo de şîya û bîya vîndî to de
Tek dosta mi, na mîlçik a ke nîşta pencera ra.