Ali Baba Karakaş – 03 Ocak 2026
Çemê Mizurî asê û huznin herikîyeno
To ser o erzîyayî honde klamî ey Muzir?
Kobeyê to de çend şiwaneyan adir tafîşt?
To çend dejî defin kerdî binê awa xo de Mizurê mi?
Zelal û ezametin o û sipîya vewre ya rengê herikîyayîşê
to
No herikîyayîşê to yo ezametin ver bi kotî yo Mizurê mi?
Rayîr derg bo kî ti mi veje hamnanî
Mi bere ê wisarî ke axir nîyame zerrîya mi
Sey Mizurî huznin birişîyê kî hesîrê çimanê mi
Ti çeltug bierze emrê mi kî ez resena to wisar
Rayîr çetin û serd bo kî ez xo resnena wisarî
Vewre yeman girewta sere koyanê mi
Ziwanê (Zonê) Pîrî ra, têlanê tembûrî ra çingeno
Deyîşî ênê vatene, sema êna girewtene can bi canî
Baba Duzginî de ênê tafîştene mumê omidî
Her kafe bi awa Muzirî bena pirr û resena can û ruhî
Ti ecele herikîyenî ke birese Çemê Feratî Muzir
Dîlegê çend evîndaran (sewdalîyan) hêrikîyayîşê to de bî
têmîyan
Qulingan sema girewto berzîya asmênî de
Kilamê ke zerrîyan dax kenê, ziwanan de çingenê.