Ali Baba Karakaş – 03 Ocak 2026
Mi ti xo rê welat nêgirewt ey xurbet
Ti mi rê, ez to rê xerîb a.
Serdin ê û ênê mi ser kuçeyê to
Bedenê mi to dest de parçe parçe bîyo.
Nameyê to zerrîya mi de dejêdo cîya yo xurbet
Hesreta nê bajarî rê xerîb a
Hesreta mi ê dîyarî de mend, o dîyar o ke ez welat zana.
Kerwanê teyran koç keno şono nê bajarî ra.
Mi ra hesreta mi rê mektube berê
Aye rê, a ya ke cinîya ê koyan ya asî ya.
Dayo mîyaneyê xo ra tifîngê xo bi destanê xo yê
nasirênan
Meydan wanena vera zulmê zalimi de.
Fabrîka de karker a, hêgayî de rencber
Zerrîya mi de hesretêda weş a
Yew reqs kena ke aşme û estareyî pê hesudîyenê.
Ti cinîya wertê lejê min a, keder o çinbîyayîşê to mi rê.
Ez nê bajarî de bê to sêwî ya.
Ziwan lal o, ez nê bajarî de tena
Ginenê mi ser estareyî seke dardekerde yê asmênî ra
Ez çinbîyayîşê to ra dardekerde menda, xerîbîye de.