PERS MEKERÊ EWRO

Pers mekerê û mevajê ewro senîn î;
Mi mîyarê mi vîrî.
Bîya çend parçeyî, çend parçe ya—
ne zerrîye mende ez top bikerî
ne teqatê mi mend.

Qirika mi de mend zê girêyê huşkî
girê bî şîyayîşê to;
çêber ant xo dima to bê ke qaytê xo dime bikere
Peyê to ra zûrê to
Dêsî ra dardekerde mendî;

Rijîyayî mi ser o çar dêsî
Û bizane ke, nameyê bêvengîya mi ti ya;
kederê mi, sîya masa.
Yew mume rone— wa biricifîyo tenayîye;
eke ez hişş bî a vana
şewa ke binê şuşeyî ra ya.

Zerrîya mi zê sole hurdî bîya kam top keno?
Zereyê mi de tîpî û firtine.
Rayîrê mi gina to ser reyna ey meyxanedar;
bellî yo ke defterê mi
panêdîya ya leyê to de hîna.

Lekeyê şerabî rîpelan ser a—
yew kî hesîrê çiman.
Ti sir gênî meyxanedar
na şewe
şerabê ke şimîyayê,
hesirê ke rişîyayê?

Û bizane ke, nameyê bêvengîya mi ti ya;
kederê mi, sîya masa.
Yew mume rone— wa biricifîyo tenayîye;
eke ez hişş bî a vana
şewa ke binê şuşeyî ra ya.
Bi qedehî mede şerabî—galonî bide;
çîyo ke şikîyayo û rişîyayo zerrî ya vaje
derbaz bo şo.

Honde bide ke ez reyna nêrî xo;
Her şewe nêbî
belayê sereyê to ey meyxanedar.
Û bizane ke, nameyê bêvengîya mi ti ya;
kederê mi, sîya masa.
Yew mume rone— wa biricifîyo tenayîye;
eke ez hişş bî a vana
şewa ke binê şuşeyî ra ya.