Ali Baba Karakaş – 11 Şubat 2026
Vayê sewda ke mi erzeno verê to
Zerrîya mina ke ge-ge ver bi zê vayê vakurî erzena
Ge-ge zî tefûduman erzeno xo ver û benê xeyalanê mi
Boya tenê to ano vayê koyanê mi
Gineno ruhê mi ro vengê qelbê to
Merhem beno dejê qelbê mi rê
Resmê to yo ke to ra mendo
Tebê xeyalê to teselî beno mi rê
Çiqas ke ti ginenan aqilê mi ro waştîye
Binê gireyê korî xeyalê bi to
Hewnî qirika mi de manenê
Hesir ginenê çimanê mi ra ênê balîşnaya mi bena hîte
Ez xo pencera ver de vînena.
Cixaray to ya nêmcete vindena
Ez hewran ra qayît kena, xo xo de şona xeyalan dima
Mi ti virara xo de xeyal kerde ey waştîye
Ti hewranê tijî dima xo xo de şo
Ez estareyanê çimanê to de bimanî
Ez to fikirîyena dejî mîyan de
Şewa mina bêhewne xo demdaye destê şodirî
Peyê şîyayî/şîyayîye de şîyene yan nêşîyayene
Zê kewtena bi kuçekorî yo
Ziwanê mi nêgirewt ke nameyê to biqerrî.
A game çinbîyena to bena girê, nefesêmi birîno.