PÊSÎRÊ MI RA WARO GINE DINYA

Mi va yar a, verare şîya pira, ti nêvana zura pîl a
Mi va dost a, peyê xo ci şana, nêvana mi tirrî ra erzena
Ez çîyê to rê bawer (înam) bikerî dinya?
Mi emrê xo sila bi sila surgun de vîyarna.

Sila pêsîrê mi ra waro gine, nefesê mino peyên mebe
Mi bêrîya dewe û koyanê xo kerde
Mi bêrîya dereyanê xo yê ke awa xo sey şitî kef dayêne 
kerde
Dewa mina şîrine domanîya mi to de mende.

Destûr bide ke ez agerî domanîya xo
Bigêrî û aye ra bigêrî kobe bi kobe
Çîyo ke zereyê mi der o dîyarê surgunî yo
Domanîya mi kî ey bi xo kişte.

Wextê seherî de ez bikewî rayîr
Ver bi hesretanê zerrîye şorî
Rêberê mi hesretê mi bo, pusulaya mi Civarke
Mi bipawe (bipîye) dewa mi, nefesê mino verên û peyên.

Dinya fanî ya, ez tede ca nêbîya
Ez to de bîya multecî, ti bîya kamp mi rê.
To ez çi şeran (cengan) de verdaya, ez qefelîya
Ez kî însan a, pêsîrê mi ra waro gine dinya.