Ali Baba Karakaş – 03 Ocak 2026
Raywano çi eceleyê to est o, çirê na lêze?
Reyê qaytê derûdormeyê xo bike çi rindîyî est ê.
Benî kerwan û rayîran xo pey de verdanî eke embazê to
çin bo
Ginenî (Kewenî) tarîyan ro, eke kesê to yo ke to bianco
çin bo
Eke ti rayîrî ra ke ci ra şonî hes nêkere
Ne rayîr qedîyeno ne ti resenî cayê xo
Mebe kesêdo bîn, ti xo be, xalis û muxlis ti be
Bi qisayanê xo yew (jû) pird be zerrîye biresne zerrîye
Hes kerdene yan bêmilk bîyene suc o
Ma rutûrepal ameyîme, rutûrepal şonîme binê wele
(herre)
Ma sey însan maya xora bîyîme, sey însanan bimanîme
Zerrîya ke tede heskerdiş est o, tîje dana piro
Ti mi ra vanî “Çîyê to est o”?
Ez est a, ez to rê qîm nêkena?
Persenî mi ra mal û milkî
Çîyê ke ti dima yî çin ê, zerrîya mi est a.
Ti sey estareyê bilezî şeqetîyenî û şonî
Çem vindetî yo, çem xorîn o
Ti kotî ser herikeyenî, lîmanê to yo peyên çem o
To sewdayî vîyarnayî qet, to serê çend sewdayan girewtî?