Ali Baba Karakaş – 03 Ocak 2026
Dîwarî ra darkerdeyî ya saeta şîkîyayîye
Seke zeman vinderto
Yan saete nêxebitîyena?
Yan hêvîyê şîkîyayî yê dîwarî ra darkerkerdeyî?
Çûçika perrê xo şîkîyayî û birîndare
Bi telaşî niqûr kena pencera û ardim wazena
Refê xo ra visîyaya û tena ya
Ez kî ameya panayene û birîna mi bêgonî ya.
Çi wext ke ez hesretan ancena
Sey çûçikê qefesî esîr kewta
Hesretî girê bi girê bîyê zerrîya mi de
Çekuyî gardîyan ê qirrika mi de
Seke kardî dîyaya mi ro, ez bêsolix menda
Ortê de sêwî mendî xatirayê ke tede ti est a,
Çimê mi saeta şîkîyeya ya dîwarî ra dardekerdî mendî.
Çinbîyayîşê to wedarîyayîşê zemanî yo, ke ez tede bîya
vîndî
Na çi şewa bêestareyan û tipûtarî ya nîya
Boya to êna hewa ra, hesreta to ez girewta
Qewetê mi qîm keno ke ez çîyanê zerrîya xo binusa?
Gelo murekebê qeleme qîm keno ke ez pê to binusa?