Ali Baba Karakaş – 03 Ocak 2026
Şîyayena to ser ra çiqas wext derbaz bî?
Ne rîpelê teqwîmî qîm kerdî hûmaritene rê
Ne mewsimî, ne aşmî derbaz bîy,
Tek û tena to rê hesreta mi derbaz nêbîye.
Hesreta to lingê xo kerdê hîra zerrîya mi de
To hetê mino çep şewatan de verda û şîya
Tena ez nîya oyo ke to dima sêwî mendo
Xatirayê ma yê ke pêser bîyê yosun girêdayê.
Nergîs a ke ez çîçegan ra tewr zaf aye ra hes kena.
Zerd nîya a, gewr û çelmisîyaye akena a
Şîîr ê, şîîr ê ke qelema şaîrî/e ra vejîyenê yê
Zerrîye rê cikewtena sewda aşma hezîrane de
Fekê ozanî ra kilama sewda ya
Tualê resamî de hesirê çiman o
Neqîşê cacîman o sewda
Hezîrane de zerrîye rê cikewtena sewda adiro gurr o
Derya de pelanê asîyan mîyan de menden a sewda
Pelî danê ro qeraxî, zerrîye de sewda
Bena yew melodî têlê kemane de kilama sewda
Çiman de şehwet, yewbînandeşabîyena gurr a sewda.