SEY HUCRE YO ZERRÎYA MI

Çerxê to xerepîyaye yo, bîrê bêbinî ya dinya
Mi no nêzana dinya, ti fanî ya?
Yan êyê ke xo însan hesibnenê?
Peynîya zulmê zalimî çin a.

Çi zaf xapîyaya ez, înan zerrîya mi xapite
Sey hucre yo zerrîya mi, kam ke verd ra çentîke eşte ci.
Kam ke şî xêz kerdo serê ci, gonî gonîşerî verdaye
Seba ke reyna anêbo ber (çêber) hende kîp kerdo ke.

Sey hucreyê bêdaxî yo zerrîya mi
Wisar nîyaseno vernîye de
Seke ez yew keştî ya ke erdî ser o nîşto ro
Nêbo ke firtine rawurzo, ez binê ra şona.

Mi nêzana ke kamî dost ê, kamî post ê
Însanê ke postê luyan eşto xo ser peyda bîyê
Hawayo xumamin nêbo zerrîya to de
Verg û çeqelî benê pirr dormeyê to de

Zimistan de mend zerrîya mi, mi hamnan nêdî
Mi ti tim zerrîya xo de da we (nimit).
Eke ti rojê ber biance şorê leyê mi ra
Ti ya ke zerrîya mi der a, ti hertim wedardeyî bimane.