Ali Baba Karakaş – 14 Şubat 2026
To tim mi ra vatêne rind qaytê mi bike
Qayîtkerdena to ya hende rindeke est a ke
Agêre reyna qayît bike ke!
No qayîtkerdene wa ma rê bibo şîîre
Hema ke şîîra min a nusîyayîye sêwî nêmenda
Hema ke hesirî nêrişîyayê misrayan
Hema ke murekebê xo nêbîyo ziwa bê ey yarê
Ez tim ê qyîtkerdişî ra menda
To bi çimanê xo kile eşte zerrîya mi
Ez ê şewatî ver a roje ra bîyo veşena ke veşena
Emrê mi zay bî şî pêyê to ra û bi bê to mendene
Zê pela zerdbîyaye vayî ver kewta
Ez ameya kuwene
Va yan hesreta mi?
Pelexîyayî zê pelan xeyalê mi
Mi ti ya ke zerrîya mi de ya nêçilmisna.
Hesreta to de mi çi-çi xeyal kerdêne
Zê beybûna bê awe mendeye
Vileyê mi hesreta to ver çewt mend
Bê awe mendena mi rê wele bermaye
Tîje çelmisîyaye xeyalanê mi ra
Zereyê qeyaxa qije de galonê min ê şerabî
Orteyê gole de, tîje ra dûrî de
Ez to qîrrena, ti gole ra vila bena zê pêle
Penîr û şerabo ke mi tewr zaf ci ra hes kerdêne nayî ro
Qeyaxe şerxoş a yan ez
Dımen kontrolî ra vejîyayo xover o şona qeyaxe
Mi şîîra ma wende bi vengêdo gurr, yakamozî şîyî xo ra.