Ali Baba Karakaş – 03 Ocak 2026
Ti hona leya wisarî bîya Oxil
Hona gilanê to bişkok (pind) nêdabî
Ge varika xeleyî bîya ti
Ge gila qerenfîle de bîya
Ti hona teyînce bîya gilê xo de
Hona sey tîra (engura) nêresayeye bîya
Cuwen tipûtal mend Oxil
Hamnan şîkîyayêne ro to
Zimistan goreyê to nêbî Oxil
Oxil ti dîyarê xerîbî de
Kam gêra çimanê to nefesê xo yê peyênî de
Kamcîn çekuyî sey girêyî mendî qirika to de
No nêbî Oxil, no nêbî
Wele rê yar bîyene goreyê to nêbî.
Hardo sîya to rê nebî
Kincê zamayan şîkîyêne ro to Oxil
Se kî weş bejne eştbîye to ver bi tîje17
Sey vilika rojî Oxil, sey vilika rojî
To zerrîyan de dej verdaya û şîya Oxil
Ey merg wa nameyê to qehpe bo!
Ali Haydar KARAKAŞ
(Tornê Pîr Heyderê Mehemed Çawuşî)
17.10.1994 – 27.04.202118