Ali Baba Karakaş – 03 Ocak 2026
Eke ti huş be, qisey nêkere
Zerrîya mi bena lale, nefesê mi huş beno.
Boranî nişenê lewanê mi ra
Çimê mi binê tipûtarîyan de manenê.
Eke ti veng nêde tenayîye bena resene û
şidênena qirika mi
Ez bena payîz, pelanê xo rişnena.
Ez pelê zerdî yê ke rişîyayê rayîrê to ya
Pelo ke ti payna ci dana ez a.
Serd o mi rê, bêrî hetê to yê çepî ra bikewî verara to
Ruhê mi de tefûdumanêdo yeman werişto
Veng bide, hema ke hêvîyanê mi ser o vewre (vare)
nêvaraya
Hema ke zerrîya mi binê vewre de nêmenda.
Ti sewdaya min a, zerrîya mi de vilika vewr a.
Veng bide, şewa ke nişta zerrîya mi bidirne
Bigê destanê mi xo dest, ver bi şefeqî şîme
Wextê seherî de mi bigê û verare bike.