Ali Baba Karakaş – 03 Ocak 2026
Şaîr seke verê sifre de nîşto ro
Rêz keno rêzan çimê xo pencera ra
Hêvîya ey borane (gorgeçîne) der o, beno ke nişo pencera
ro
Seke xebere bido xo dana ro pencera ro
Çend rêzê çaraneyî rêz kerdî şaîrî
Seba ke xebere nîyameye waştîye ra
Huzin gineno zerrîya şaîrî ro
Rîpelê ci pel bi pelî
Vaje mi ra zerrîye, mi çi sûc kerdo
Mi rê na ceza qey û çira
Ti nêzana ke çinbîyayîşê to mi dejneno
Ez tek vengê to rê, zerrîya to rê turab a.
Zerrîya to rê zerrîşîrik a, cemale to rê amade ya
Tek yew nîyadayena to ser o, çimê mi benê pirrê
estareyan
Wisar yeno ruhê mi ser, tenê mi ra boya wisarî êna
Bê waştîye tek hesreta mi ti ya.
Hona ke ez ez ra nêşîya bê cemalê mi
Siro ke aşme vejîyaye cemale to dî mi
Ez bêwelat manena, her game silaya mi rê bê to
Ti kitabeya mi bibe, ez bibî misrayê to.