Ali Baba Karakaş – 14 Şubat 2026
Ez çend û çend kişîyayaya mi nêhûmarit
Hepsîye kerde zerrîya mi tarîyan de
Hêvî virare kerde, mi va rojê vejîyena roştî
Tenganeyî de menda welatê tarîtîye de
Mi yew xo yew zî ti gêraya ey sewda
Estareyê çimanê mi mi ra girewtî û berdî
Pêlanê tewr haran ver mi hêvî verare kerde
Ez tefûdumandî de menda mi xo rê hêvî zanaye tîje
Pirodê mi ra panê ey zalîmênê!
Nêeşkena bimirî, sewdaya min a ke ez bivînî est a
Mi bi çi hesretan şefeqî pawit tena ez zana
Tayînan bi çimanê xo tayînan bi qesayanê xo ez kuwaya
Eke rojê bêro ez şefeqî de bihuyî
Vejîyayena tîje ilaweyê tiq-tîqanê ma bo
Wa huyayîşê mi ger bê û germ bimanê
Tim û tim tersena ez to ra ey tarî
Mi hêvîya zerrîya xo kerde pîl
Tena mi to ra hes kerd û virare fişte hêvî ra
Wexo ke cemre ginaye wele ro
Sewdaya zerrîya mi bizane ke ez to pawena.
.