Ali Baba Karakaş – 03 Ocak 2026
Eke ti hiş be dinya hiş bena.
Binê bêvengîye de maneno kaînat
Eke ti çimanê xo dûrî bigîrê mi ra
Tarîye de manena ez, bê roştî manena.
Ez ancax to de bîya ez
Dinyaya ke tede ti çin a, tarî ya
Eke ti bibe, tamê biharî dana
Tîje pê to germin a, ti tek roştîya min a.
Sewda çimanê to ra gêna mana
Eşq şewat o ke zerrîya to de rameno
Ez bibî wela şewatê to
Ti bibe va, vila bike ma cîhanî ro.
Wa bibo toximê sewdayanê rindan wela ma
Eke ti bibe rengî benê wayîrê mana
Mi wisarî tênê virana to ra zana.
Germîya hamnanî heskerdena to ra zana
Ti sey çemanê gurran herikîya zerrîya mi
Mi newale (gelîye) vengê to yo ke goşanê mi de çingeno
ra dî
Mi estareyî çimanê to ra dîy
Ti lewanê minê têşan mendeyan rê bîya hênî.