Ali Baba Karakaş – 03 Ocak 2026
Demêdê şefeqî bî, ber ame pirodayene
Mecalê mi çin o ke ez vajî kam o o?
Yew ters gina çimanê mi ro
Seke yew xencerî dîya mi ro
Hewrê sîyayî bîy pêser çimanê mi ra
Ziwanê mi bîyo lal, nêeşkeno veng bido
Persê bêcewabî sey şerîdê fîlmêkî rêz bîyî
Pers persî ra dima pêro kî bêcewabî.
Ber akerd mi, a ya ke ameya ti ya
Ke mi a bi hesîranê xo yê çiman pîl kerda
Virane kerda mi hêvî emrê mi aye ver şî
Sûrî dayê xo ra perperikî porê to ra
Waştîya mi, tîja mina şefeqî mîyanê sûrexan de ya
Mi nêeşka ke vajî ti bi xêr ameya emrê minê mendeyî, lal
o ziwanê mi
Venga ruhê mi bidê, wa terk nêkero mi
Zerrîya mi jan dana û lete bi lete ya,
Ti sey şilî ya ke hewran ra bîya
Çend wext derbaz bî ez to pawena, ke ti bibî
Pê huyayîşanê xo mi bipêşe ez emrê to bibî
Pirodayîşê telefonî ser bîya hêşar ez,
hewn bîyo ti nêvana, derman ame zerrîye.