TI ZÊ VAYÎ VERDA Û ŞÎYA

Wextê to ra cîyabîyene rew ame
Ez qayîtkerdişê çimanê to ra mird nêbîya
Ti şîya, hîna mi nêvatbî ez to ra hes kena
Qayîtkerdena to zê vayê huşkî da hetê minê çepî ro

Ti zê vayî verda û şîya
To dima çimê mi şîlî û şepelinî
Rêz bîyî lewanê mi de çekuyî
Serdo huşk da zerrîya mi ro

Mi hes kerd mi ra qayîtkerdişê to ra
Ez surginê heredîyayîşan a
Mi nê koyî xo rê welat girewt
Kemeran rê nuşt sewdaya zerrîya xo

Nameyê mi zê eşqîya bivejîyo ke nê koyan de
Rayîrê mi zor û çetin bo nafîle
To gamê bieştêne mi warway vazdayêne
Yew huyayîşê to ser o ez bi zerrîya xo ameyêne

Hetê mino çep vîndîbîyayena to ver birîndar o
Des û di qalîbre ya qerşune
Dejê aye birîndar kerd ruhê mi, bê ke ma ma bibîme
Wina bo qet bena weşe kula mi?

Tîje erzena sewdaya ma ser o?
Rayîrê mi sewda hemrayîrê mi ti ya
To sewda verdaye zerrîya mi rê
Ruhê mi xuzur dîyêne qayîtkerdişê to yê verênî de.