Ali Baba Karakaş – 03 Ocak 2026
Nika zaf erey bî, mi rê agêrayîşê to
Mi çiqas ti pawit bê ke to pers bikerî kesî ra
Şewanê bêhewnan de ti çin bîya
Ez sey yew esîrî to de hepis menda
Kilama ke mi goşdarîye kerda de ti û xeyalanê mi de ti
Beno ke rojê mi bîyarê xo vîrî ti
A roje çin bena ez
Dûrîyan û zaf dûrîyan de sancîyan biancî ez
Xo kerdo derg yew kobeyî de nîno naskerdene
A no eserê to yo, nifte to tafîşte.
Oyo ke veşa ez nêbîya, ma bîyîme wele
Ez to ra şîbîya, ginaybîya huznan rê
Nêbo ke ti reyna bivejîyê vernîya mi
Biverde ez xorîyanê zerrîya xo de bicerî
Mi ti xeyalanê xo de honde kerda pîl ke
Kamcîn ko qasê to pîl o dê ti vaje
Rayîranê ke ez ci ra şîyêne de ti est bîya
Temamê cumleyanê mi de ti est a.
Tim ez to de menda, tamê eşqî de
Sênêyê to de hesîrê mi mendî, mi mi rê caverde.