Ali Baba Karakaş – 03 Ocak 2026
Emrê mi sey pelê wisarî gina waro, fira û şî
Leşa mina mendeye çilmisîyaye sey yew pelî
Ruhê mi bedenê mi terk kerd û şî
Xeyalê mi pêro binê tarîya asmênî de mendî.
Nêzana ez tîje vejîna asmênê xeyalanê mi ra
Nêzana vilêşîyenê ro xeyalê minê cemidîyayî
Hêvîyê mi benê kewî (zergûn) sey vilanê wisarî
Mi tek û tena to ra hes kerd û zerrîya to keyeyê xo zana.
Mi çimê to xo rê rayîrê roştî zanayî.
Boya bedenê to mi rê bîye tek derman
Mi virana to ra teber wisar nêzana
Hamnan mi lewanê to de vîyarna.
Ti wextanê minê tarîyan de bîya qendîle
Hêvîya mi rê bîya vila wisarî ya kewîbîyaye
Ti sewdaya mi bi eşqî kewî (zergûn) be zerrîya mi de
Ez emrê xo daxilê emre to bikerî, to rê bibî herre (wele)
Bê to roje nîna şewe ser de
Mi caran hes nêkerd huşka huşka şodirî ra
To ano mi vîrî coka û huzn gêno çimanê mi
Serd o xedar mi gêno, eke virana to de nêbîne.