Ali Baba Karakaş – 03 Ocak 2026
Êlule dormeyê nê bajarî girewto!
Her ca seke bi rengê zerdî boyax bîyo.
Şilîya nê bajarî bêxewt varena
Pelanê çelmîsîyayan ser o.
Hewran tîje tirawita bajaro vîndîbîyaye
Çimê mi hewran ra dardekerdeyî mendî.
Bîyê zerdî xeyalê mi
Nêginê (nêkewê) erdî ro xeyalê mi.
Hîna ke rew o wisarî bianco xo ser hêvîya mi
Pêro çîçegî xo rê azadanê kewe bê
Eşqê ke ginayê erdî ro wa zîl bidê
Govendî, horonî û zeybekî kay bê.
A şilî ya varena?
A Êlul a bermena?
Yan huznê ke ginayê ruhê mi ro yê?
Tîya kotî yo yan bajaro vîndîbîyaye yo?
Yan o ke bîyo vîndî ez a?
Tek bi tek arê benê hişê mi de persî.
Bîna mi bena tenge, zîncîrkerde ya qirika mi
Huzn û rincanîya rewşa çimanê mi.
Tawo ke mi yara xo gêrayêne
Ez kî bîya vîndî ey Êlule
To ez binê dejanê bêwextan de fetisnaya
Zaf cemidîyena ez, tîje serbest raverdê
hewrênê.