Ali Baba Karakaş – 14 Şubat 2026
Mi ra nîyadayena to ra mend qelbê mi
Çimê mi rîyê to yê huyayîşinî ra pêde-pêde şîyî
Ez a nîyadayena to ya rengcinîye rê heyran menda
To de zerrîya to de bimanî ez ey cinîya mi
Mi ra nîyadayena to ya estareyine bîye sewda mi rê
Şewanê min ê huzninan ser o ti zê şefeqî eşta
Ti zerrîya mina têşanê sewda bîye rê bîya wisar
To çimanê min ê ke hesiran ver ziwayan rê roştî da
Şefeqê zereyê çimanê to gina mi ser
Pê tîja zerrîya xo bipêşe mi
Ez zê aşme bidî sêneyê to ro ey cinîya mi
Mi verare bike ez nêcemedîyî to de bimanî.
Dest menê wisarî ra wa gila xo ra bimano
Çimê mi wa perperikî bê vekganê to rê
Ti bibe çiçege ci rê, ez xalofirê ci bibî
Wa ez boya to ra serxoş bî û to de bimanî
Ti wisar be ez bibî şilîye
Ti çem be ez awa to ya zelale
Ti çîçega narîne be ez mêsa hengimênî
Ez vayê nermê wisarî bî boya to bibo tede.