Ali Baba Karakaş – 11 Şubat 2026
Ha yê rayê ra yê, şonê çimê mi
Zerrîya mi boverî de mende
Hêvîyê minê şîkîyayî
Reyna benê kewe?
Ruhê mi îsyan der o
Zerrîya mi boverî de mende
Mi kerd parçe-parçe.
Tarûmar û wêraneya ez.
Ez namerd a!
Eke reyna xo biçarnî û qayît be
Beşerîyayîşo verên, o taw o ke mi dîya bî
Beşerîyayîşo dîyin taw o ke mi ti xo vîr ra kerdbî.
Mi xatirayê ke to ra eleqedar ê eştî
Kewta rayê, şona rayê ra
Ver bi yewna wisarî.
Eşq bo heskerdene bo.
Eşq bo heskerdene bo.
Ez henî bîya ke xo bi xo xo gêrena.
Hêvîyê minê vîndîbîyayî
Pers û muhakemeyî ruhê mi de
Ez kewta ro firtineyî ver, rayê sewda rê vejîna eceba
Wa bo wa bi hêrsin bihêrikîyê çemî
Mi huznê xo dayî verê awa çemî
Ferat bêveng û zelale hêrikîna Çemê Dîcle
Ti mi rê, boxçayanê xo yê qilêrinan ra pak be bê
Ti mi rê, zê ti ya ke zerrîya mi der a bê.
Ez kî ez a ke zerîya to der a bêrî
Ma gule bibîme
Eşk bibîme
Yew û Pîr bibîme, hes bikîme û hes bibîme
Zê awe
Zê şîîre
Dost bo heskerdiş bo haştîye bo wa way û birayîye bo.
Ti bê qural û qaydeyan hes bike, ez eşq bibî
Zê Muzirî zelale bihêrikî
Zerrîya to rê birişî, ebedîyetî rê, bi eşq û heskerdene