Ali Baba Karakaş – 14 Şubat 2026
Ez bi xeyalanê xo yê nêmcetmendeyan menda
Ma sewdaya zerrîya mi
Çend dîyarî ra ameya teberkerdene
Ez bîya ez, zê xo ciwîyayaya?
Hîşyar be ey emir ey ciwanîye
Ma domanîya mi
Ez doman bîya ke?
Kamî girewte domanîya mi?
Mi bidê mi ez mendeyî rê razî ya
Kamî ke ez tirawit a rono yew taldeyî de
Merhemê bigêrî zerrîya xo ya daxbîyayîye rê
O ke mendo na zerrî ya ke bi kederan pirr a
Kam ke şî şî û şî emir nika bîyo multecî
Heqîbeyê mîyaneyê mi girs a
Nêbo ke fekê ci rabo eman ha
Zerrîya mi dîyax nêkena dejanê pêserbîyayan rê
Xeyalanê mine vîndîbîyayan de bî vîndî şî her çî
No lej çirê o ke bîyo pîl ez a?
Kufeyê pîlî çin ê heqîbeyê minê derdan de
Mi rê mehuyê, o ke vîndî bîyo domanîya min a
Zalim ti ya yan xerîbî ya?
Ti mi de ser de eşta hesrete
Qehir bî zerrîye peyê şîyayîye ra
Çîyo ke mendo çi yo zerrîye rê tena xem