Ali Baba Karakaş – 03 Ocak 2026
To ma caverdaya û şîya, bêpers û bêsûalî
Ma nika şewê şilîyinî do sêwî bimanê?
Ma pîya hît nêbîme kuçeyan de,
Ma pîya û hît vaznêdaybî ver bi tîja serê şodirî?
Eke ti çin be ez tersena kuçeyan de
Çîyo ke rayîrê mi keno roştî, çimê to yê ke şewle danê.
Klawuzê mi heskerdişê zerrîya to bî,
Ti ke sewdaya min a, ez cemedîyena ti ke çin be.
Heyf nêbî ke ti bîya sebebê hende xeyalanê ma
A sewdaya mina ke mi hoke bi hoke a munitbîye
Tarîyîya bê to mendişî de mende zerrîya mi, wertê dejî de
Bêvengîye de maneno, bêkes û bêhes o ruhê mi eke ti çin
be
Gama ke ti kewena mi vîrî ez xo vîndî kena
Yew labîrentî de bena vîndî, nêeşkena ci ra bivejîyî
Rayîrê mi benê tarî, ez bê roştî manena
Nêçîrvanî dormeyê zerrîya mi gênê, ez bêçare manena.
Bivejîye agêre bê ke wa xeyalê ma newe ra kewe bê
Vilabîyayeyî mendî cumleyê ke min û to ra vatê
Senî ke erd beno ziwa, beno çol bê şilîye
Henî bena zerrîye çinbîyayîşê to de, hema ke rew o agêre
bê sey şilîye