Ali Baba Karakaş – 03 Ocak 2026
Înan tîje çilmisnaya lajê/kênaya mi
Ewnîyayîşanê (qayîtkerdişanê) masuman kerdê qilerin
Qehpeyênê meçilmnê estareyan
Tek sucê înan însanan ra heskerdene bî.
Înan koyî sey welatê azadî zanayî.
Cinî-camêrd sey însanê têduştî zanayî.
Wisaran tenê înan ra boya zaxterî ameyêne
Bejne eştbîye zerrîyê înan bi gurrê rojî
Estareyê şewe, tîja şefeqî
Qehpeyan dama xayine naya ro
Qerşune xayin a, qerşune qehpe
Her yewê înan bî qerenfîla sûrexe û gina wele ro.
Wisar şefeqî ra ver kewî benê leyî (fîdenî)
Leqate bi leqate benê pîlî êgîdî zerrîyan de
Barîqatan de, xoverdayîşan de benê eslê xo
Selam bo înan ê ke bi pêrodayîşî ginenê wele ro.