Şîyayîşê to ser ra zaf serrî derbaz bîy,
Mi hesreta to verara kerde, ti çin a.
Tim boya to êna, hesretan ra
Ti me mi vîrî, dej nişeno zerrîya mi ra.
Ruhê mi xeyalanê to mîyan de hepisî beno
Şanî nêrê mi ser, ney ez nêwazena
Tarîtîya simsîyaye nîşena çimanê mi ro.
Mi waşt to xo vîr ra bikerî, zerrîya mi destûr nêda
Çi wext ke to bifikirî dejêdo bêterîf zerrîya mi gêno
Hesirê ke ez rişnena, înan de ti est a.
Henî hes kerdo ke mi to ra, her nefesê mi de ti est a.
Roştîya verêne şodiranê mi ti bîya, ti ya ke zerrîya mi de
bîya.
Qasê hesreta roja verêne bêrîya to kena ez.
O tawo ke ti xo aznena ro şomîne û nîyadana mi ra
Zerrîya mi sey vewra koyan rovilêşîyaye cayê xo ra
Ê qaytkerdişê to ez mi ra girewta û berda.
Ez şorî dîyarê xeyalan û uca xo rê mekan bigîrî
Ge-ge me mekewe hewnanê mi
Şodiran to caverdayene û hîşyar bîyene zaf zor o.
Çi tawo ke ti kewena mi vîrî ruhê mi cemedîyeno.