HÎRÊ MUMÎ VEŞAYÎ

Şîyayîşê to de mend xeyalanê mi 
Mi ke agêrayena to pawitêne, mîyanê dejan de yo zerrîya 
mi
Mi vazoyî de vazoyî de nayî ro pêro çîçegî ke to ci ra hes 
kerdêne 
Ziwanê mi ra nêginena waro a kilama ke to ci ra zaf hes 
kerdêne

Agêre bê hona ke xeyalê ma sêwî nêmendê
Ti ke şîya tewr zaf ez berda xo reyde 
Ez nika, xo kotî de bigêrî dê ti vaje
Canê mi de derman nêmend, jan dana zerrîye

Ti zana ke ez bi kedero giran û bêveng bermena 
Eslê ci de çimê mi ney zerrîya mi bermena
Henî şewat ginayo zerrîya mi ro ke
Kamê mi mendo ke bêro û bişayno

Birîndar a ez, derman ti ya birîna mi rê
Şîyayîşê to dima hîrê mumî veşayî zerrîya mi de
Di muman canê mi veşna, henî helîyay û şîyî
Muma ke menda kî qirrika mi veşnena û ez nêeşkena 
nefes bigîrî

Ti bê ke ez estareyan vila bikerî rayîranê to ra 
Bi zerqê rojî to verare bikerî
Bi şilîyanê wisarî porê to bişuyî
Ez tenê to de can bî, ti çimanê mi de estare be ey yarê.