Ali Baba Karakaş – 03 Ocak 2026
Ewro ancîna bî şan
Huznî girê bi girê rêz bîyê qirika mi de
Çinbîyayîşê to de keder kewt para mi rê
Çimê mi reyna pê hesîran pirr bîyê
Odaya mi de bêvengîye zerrîya mi de dej
Kewt çimanê mi ver kaxita ke ser o nameyê to nusîyaye
yo
Resmê to yo ke dîwarî ra dardekerde yo
Goşanê mi de germinîya nefesê to
Huznê to yew şewat o leşa mi de
Bê to şanî nînê antene
Mi şefeq tena çimanê to dî
Eke ti çin be ez rojan û şewan se bikerî!
Zerrîya mi sîya ya, sîya girêdaya
Tek bi tek rêz bîy sêneyê mi de dejî
Hesretê mi her yew mende rê yew guleyî (qerşune)
Zerrîya mi hesreta to rê se deyax bikero?
Birîndar a ez, bê to zereyê dejan de menda zerrîye
Tek derman ti ya, zerrîya ke ci ra gonî şona rê
Çîçega to ez bî, wela to ez bî rîyê xo to ser o biçarnî
Bê to vewre varena zerrîya mi ro, mi tena meverde.