MEYXANEYO DARÊN

Emşo ez zaf tena ya
Şewe zê girê nîşta qirika mi rê
Gama ke mi ti xeyal kerdêne, huyayîşê to xeyalê mi de

Deryayî de va vapure, rîyan de huzin.
Kemanecen tîrkemanê to zerrîyan dax keno
Bêçikê tenik û narînî qanûn cenenê
Kilame vana kêneka cînganeye zerrîya mi dax kena

Derya tarîyan ro şîyo.
Lambayê guverte tarî de verdayo
To ra qisey kena zerrîya mi ey waştîye
Ruhê mi de persê zehmetinî rêz bîyî

Çimê mi zê guleyo yo ke namluye ra vejîyayo
Persî zê guleyanê kanan ê ke hedefe xo gêrenê
Şewe huzin zerrîya mi xo rê mesken girewto
Asmên huzinin o ey bajaro sewdayê xo vîndîbîyayî

Xeribîya nişta ruhê mi ser, persî têdima rêzî benê.
Tersena ma mi ke nêeşkaya to bivînî
Destanê xo derg bike mi bigê ez nêzanîyeyan de ya
Biancê mi nê izdirabê tenatîye ra

Na senî sewdaya dest ra ez ginena rayan ra
To rê vejîyenê pêro rayîrî ey meyxanedar
Orteyê daristanî de meyxaneyo darên
Se ke estareyanê şewe ra remeno

Kobe û goşeyan de bermaya ez, ameya ke teselî bivînî
Şerabê xo yê tewr sertî ra pirr ke, wa sûr bo
Eke mendo qewdêkê heskerdiş, garnitur wa eşq bo
Qey oyo ke eşqê xo dest ra şono, xo to de vîneno meyxanedar?